Reisedagbok: Tur til Texas - Dag 22

 Reise til Houston Texas 12. mars til 14. april 2025.

- - - - - - - - - - - - - - - - - - - - - - - - - - - - - - - - - - -

Onsdag 2. april

Nok ein lummer og overskya dag. 29 grader og overskya er ikkje så vanleg heime. Ekstremt fuktig luft var det også. Eric hadde heimekontor, medan vi pusla med vårt.

Eric på heimekontor :)

Ingrid lagar hjerter.

Vi køyrde ein tur på HEB for å kjøpe diverse daglegvarer.

Utanfor inngangen til HEB står ei lita sjappe der du får kjøpt crawfish (kreps) kokkelert på lokalt vis med sterke krydder. Smakte sist vi var her. Kjempegodt. Filippa elskar crawfish!

Billeg biffkjøt i store pakningar. Omlag 92 kroner/kilo. Vi kjøpte pølser og kjøtbollar, samt ingrediensar til sjokoladekake. Pluss pluss.

Nokre gjess hadde valgt å lande på parkeringsplassen utanfor HEB. Eg veit ikkje om det var eit godt valg?

På veg heim. Her er ein typisk situasjon. Kryss med stopp-skilt. Stoppskilta er plassert på alle fire retningane inn mot krysset. Reglane er slik: når du kjem fram til skiltet skal du stoppe og telje til fem før før du køyrer vidare, er der fleire bilar, skal den som kom først køyre først. Fungerer ganske greit. Rundkøyringar finnes ikkje. Ikkje som eg har sett så langt.

Ut på ettermiddagen hamna ein ball over gjerdet mot det gamle nabolaget eg skreiv om i går. Det viste seg at dei hadde teke ned gjerdet sitt for å sette opp nytt. Dermed fekk eg fullt innsyn :)

Det gamle nabolaget.

Det gamle nabolaget.

Huset vårt sett frå baksida av deira gjerde.

Samtundes laga Ingrid sjokoladekake. Karl sin favoritt.

Så laga ho kjøtbollar med pastaspagetti og tomatsaus. Også Karl sin favoritt.

Vi syng for maten.

Karl gaflar i seg

Etter middag reiste eg og Eric på Lowes og kjøpte impregnert materiale til hønsehus. Dimensjon: 1,5" x 1,5". Lengde 8 fot (2,438m).

Det var alt i denne omgang. I morgon startar eg på hønshuset, men det er meldt same værtype som i dag, så det blir nok ikkje særleg effektiv jobbing :). (Noko eg kan bekrefte i og med at eg skriv dette idag, torsdag).

Reisedagbok: Tur til Texas - Dag 21

Reise til Houston Texas 12. mars til 14. april 2025.

- - - - - - - - - - - - - - - - - - - - - - - - - - - - - - - - - - -

Tirsdag 1. april

Overskya og behageleg temp. Alt låg til rette for ein lengre spasertur.

Rett ved sidan av huset til Eric og Helga ligg eit eldre byggefelt.

Nabolaget sett frå soverommet til Helga og Eric.

Sett frå Karl sitt soverom.

Det hadde ikkje vore meir enn hundre meter å gå til dette nabolaget viss der hadde vore ein direkte veg. Men det er der ikkje, så vi bestemte oss for å gå ein lang omveg for å kome oss dit.

Her er dagens rute. 6,63 km. I den raude ringen ser du avstanden viss vi hadde hatt ein snarveg.

Så vi labba i veg, delvis i grøftekanten lang trafikkert veg.

Traff på nokre geiter.

Og nokre kyr.

Og eit par hestar.

Her er nabohusa. Gjerdet langs der vi bur kan skimtast mellom husa.

Tøff grind.

Damer på tur mellom store tre. Helga måtte tilbake til "kontoret", så her skilte vi lag.

Eg gjekk vidare til eit område som dei kallar "Trailer Park" her. Denne hadde navnet Victoria Village og det var adgang forbudt til området. I ein Trailer Park bygger dei svært små boligar, meir som hytter. Eit tilbud til dei som ikkje har økonomi til noko større.

Desse derimot, har god plass.

Eg gjekk tilbake, og tok ein avstikkar langs ein blindveg. Gjekk forbi denne ranchen. Bar M Ranch.

 

På Bar M Ranch produserer dei All natural Texas Beef. Kansje ein kan kjøpe biffkjøt her?

Blomstereng.

Assortert utvalg i postkasser.

Denne eigendomen er nettop solgt. Ser ut som det trengs litt renovering.

Nesten heime.

Decker Farms heiter byggefeltet vårt. Dei første boligane var ferdige rett før jul i 2022, og Helga og Eric var blant dei aller første til å velge hus og flytte inn. Dei valgte huset heilt i enden av Red Clover Dr. God plassering. Fredeleg plass.

Helga plukka markblomster då dei gjekk heim.

Blomsterfilm

Tilbake ved benken. Eg les bok og drikk kaffe. Ingrid driv med handarbeid :)

Ettermiddag/kveld

Dagen gjekk sin gang. Vi har liksom komt inn i ein tralt. Avsluttar med eit par glimt.

Filppa prøvar på roller blades. Helga har fletta håret hennar. Ingrid blir fotfulgt av Louie.

Her er eit lite intervju av Karl, rett før leggetid.

Reisedagbok: Tur til Texas - Dag 20

Reise til Houston Texas 12. mars til 14. april 2025.

- - - - - - - - - - - - - - - - - - - - - - - - - - - - - - - - - - -

Mandag 31. mars

Eg starta dagen med å skrive søndagsbloggen. Det tok si tid. Ein lang blogg med mange filminnslag. Å legge inn filmar er litt meir tidkrevande enn bilder, så ja, det tok nokre timar. Medan eg sat der kom søppelbilen som kjem kvar mandag. Eg har hatt planar om å filme desse spreke karane før, og no var tida komen.

Spreke karar, bråkete bil.

Her tek dei søppelet vårt.

Eg og Ingrid gjekk ein rask trimtur, så dusja vi og var klar for dagens utflukt. Ingrid og Helga ville til Target og Hobby Lobby for å kjøpe noken greier. Eg var berre med.

Ingrid bak rattet som vanleg. Eg har også køyrt, men likar best å sitje på. Slik er det heime også, bortsett frå langturar, då er det eg som køyrer mest. Eg kan nemleg køyre svært langt utan å bli søvnig. Berre så det er sagt.

Target. Stor butikk med mykje greier. Not my cup of tea.

Damene kjøper kaffe.

Eg sit og filosoferer på Hobby Lobby.

Hobby Lobby er eit paradis for Ingrid. Her har ho kjøpt ein del småtteri som ho skal bruke til å lage julepynt. 

Betaling.

Etterpå henta vi daglegvarer som Eric hadde bestilt på HEB. Vi parkerte på ein merka plass, med eit nummer som vi teksta til Eric. Eric som sat heime, la så nummeret inn appen der han bestilte. Etter litt venting kom ei dame og putta alle varene i bagasjerommet.

Det som ikkje kjem fram av bilda, er at det var ekstremt varmt og fuktig denne dagen. Plassane vi besøkte låg nær kvarandre, slik at aircondition-anlegget ikkje rakk å få ned tempen. Vi vart etterkvart ganske kokte, ikkje minst Ingrid som tråkla seg gjennom gatene med mykje trafikk, samt inn og ut av parkeringsplassar.

Så henta vi ungane på skulen og køyrde heim.

Fleire timar etterpå sat Ingrid og klaga over at det var varmt inne. Det var det ikkje. 

Etter kvart laga Ingrid Toro Jegergryte med potetstappe. Nam nam :)

Ut på kvelden såg vi den nye Disney-filmen, Mufasa, saman med ungane. Filippa, som er veldig glad i dyr, synest den var trist og alt for voldeleg.

Mufasa - The Lion King

Medan vi såg på film, sat Eric og tegna invitasjonskort til Karl sin fødselsdag som skal feirast tolvte april, siste laurdag før vi reiser heim. Imponerande arbeid. Oppe til høgre kan ein sjå nokre fotball- klistremerke som vart klistra på etterpå.

Det var alt i denne omgang.

Reisedagbok: Tur til Texas - Dag 19

Reise til Houston Texas 12. mars til 14. april 2025.

- - - - - - - - - - - - - - - - - - - - - - - - - - - - - - - - - - -

Søndag 30. mars

Stod opp 05:30. Alt for tidleg. Satte sitt preg på dagen.

Eg trykte i meg tre knekkebrød med kokt skinke og drakk litt kaffe. På mystisk vis hamna heile gjengen i bilen utan dramatikk og vi kunne starte ein 45 min køyretur i liten trafikk. Når det er mykje trafikk kan turen ta ein og ein halv time.

Målet var altså å besøke Lakewood Church der både Helga og Eric jobbar. Eric jobbar med grafisk design og Helga jobbar i Kids Life, barnearbeidet i kirka. Lakewood Church er ei såkalla megakirke og samlar omlag 45000 (!) sjeler ein heilt vanleg søndag. Møteplassen er eit ombygd baseball-stadion med vel 16000 sitjeplassar. Det er difor fleire gudstenester i løpet av dagen. To på engelsk og ei på spansk. 

Mykje meir kan seiast, men no let eg bilda og filmane fortelje resten av dagen vår.

Ein trøtt gjeng er på veg.

Morgonstund.

Trafikkmaskin

Nærmar oss downtown Houston

Downtown Houston

Inne i bydelen der kirka ligg.

Nesten framme ved kirka.

Vi slepp av Helga som skal sette igang med jobbing i Kids Life (barnekirke)

Vi parkerer. Ei megakirke treng eit megastort parkeringshus.

Vi må gjennom sikkerheitskontroll før vi slepp inn i kirka. Etter ei dramatisk skyteepisode for vel eit år sidan, vart det gjort tiltak for å unngå slike hendingar.

Hope is rising

På veg inn

Klokka er 07:30 og vi slappar av ved sidan av Eric´s kontor. Første gudsteneste (Service som dei kallar det her) starta kl 8:30.

 

Kontormiljøet til Eric.

På veg til Gudsteneste klokka 8:30.

Here we go.

Så er vi igang

Vi hadde med oss Filippa

Etter kvart kom Helga og tok del.

Intro

Så brakar det laust. Lovsang. Lydopptaket frå iPhonen er for dårleg til å formidle opplevelsen.

Pastorane Joel og Victoria Osteen ynskjer velkomen.

Ditto

Meir lovsang

Meir lovsang

Her er ein kar som er heilt med.

Den gamle mannen

Eg trur eg har besøkt Lakewood tre eller fire gongar. Kvar gong har eg lagt merke til ein gammal mann. Ein som assisterer folk med å finne plass og andre ting. Ein hjelpar. Eg ser for meg at han har vore ein trufast hjelpar i mange mange år, kanskje heilt frå starten i 1959? Difor tenkte eg å hedre han med nokre bilder:

Her er han i aksjon.

Her står han klar med tissues under ei forbønshandling.

Vidare i programmet

Meir lovsang

Pastor Joel preikar

Pastor Joel Osteen preikar. Preika var heilt mot slutten av Gudstenesta.

Etterpå

Etterpå drog eg, Ingrid og Filippa på Starbucks som låg i gangavstand frå kirka. Filippa fekk seg eitt eller anna, hugsar ikkje kva, medan eg og Ingrid lot oss velsigne av kvart sitt beger med kaffe.

Slaraffentid på Starbucks

Tilbake i kirka skreiv Filippa ei lita bøn på ein bønevegg.

Vi kom forbi ein reklamevegg og der dukka Helga opp :)

Mor og datter

I tretida forlot vi kirka og besøkte ei kinesisk fastfood-sjappe og fekk i oss nokre velfortjente kaloriar

Vel heime, etter påtrykk frå Ingrid som meinte eg måtte klippe meg, klipte eg meg. Tok resten etterpå.

Avslappning i sofaen

Etter ein litt heftig dag, gjekk eg meg ein kveldstur heilt åleine og fekk med meg solnedgangen. Tid til ettertanke.