Reisedagbok: Tur til Texas - Dag 15

Reise til Houston Texas 12. mars til 14. april 2025.

- - - - - - - - - - - - - - - - - - - - - - - - - - - - - - - - - - -

Onsdag 26. mars

Ein passeleg varm dag. Lett overskya. Eric hadde heimekontor og vi inviterte han med på lunsj på Fire Ant Brewing Company i Tomball. Han tok med seg kontoret i bilen.

On the road again

Vi fekk oss nokre forfriskningar medan vi venta på maten. Etter lunsj for Eric til ein kaffebar like ved for å jobbe, medan eg og Ingrid streifa rundt.

Her sit Ingrid utanfor ein bruktbutikk blant blomstrar laga av eit eller anna metall.

Mylkje rart å få kjøpt

Ein liten totempåle

I helga (fredag til søndag) er det Tomball German Heritage Festival, til ære for tyskætta innbyggarar. Vi tenker å ta oss ein tur på laurdag.

Cloud Chief & Co er ein artig butikk vi har besøkt mange gongar. Er ein på jakt etter raritetar er dettte plassen å gå.

Her er blant anna ein del rare maleri.

Landskapsbilde

Diverse kunst

Denne hadde vore noko å ha på stua eller?

Vel vel. Kva skal ein sei?

Diverse nips

Ingrid foreslo denne. Eg takka nei :)

Sist vi var her sjekka vi prisen på den skeive gatelykta. Den var kjempedyr og sikkert ikkje så lett å selge.

Etterpå for vi på HEB og kjøpte daglegvarer samt ein del ekstra til morgondagens middag då vi har invitert Tommy og Cindy (foreldra til Eric). Vi var også innom Lowes og kjøpte svart maling til benken eg har laga. Vi rakk omlag akkurat å møte opp i tide for å hente ungane på skulen.

Her står goingane våre og ventar.

Ut på kvelden, etter å ha fortært Toro jegergryte med potetstappe, satte eg igang med å male første strøk på benken.

Det var alt frå ville vesten i denne omgang.